دارت الدنيا وتبيني أعذرك

دارت الدنيا وتبيني أعذرك
نامت عيوني وعينك <ساهره
إنت لي ماضي وماأبي أذكرك
والغلط وياك ماني مكرره
قلت لك احذر غرورك يكسرك
ومن يحبك واجب انك تقدره
قبل لاتفكر تهاجر بأهجرك
وعدني غيمة حنان مهاجرة
مثل ماجمعتك أقدر انثرك
يعني رأسك لو رفعته اكسره
كنت لك مثل المواني انطرك
لين طاحت من عيوني الباخره
لاتضن ابكي عليك وأخسرك
إللي مثلك لازم إني أخسره
ياالقليل الباقي طاحوا أكثرك !
في بحر دمع العيون الطاهره
أبقى أكبر شخص مر ب ناظرك
وتبقى أصغر من نويت أكبره
في فراقك ماحزنت
آآبشرك :

وكانت الفرحه معك مسافره !
كيف ألوح لك واجبر خاطرك
وإنت احساسي مكسر خاطره
أشكر أعدائي كثير وأشكرك من سبايبكم فقدة الذاكره

دارت الدنيا وتبيني أذكرك !!
شفت منك خير لأجل اتذكره ؟
اكتب الشطر الأخير ب دفتراك
القـــــــلـــــوب البيــــــــــض .. جـــــدا نـــــــــــادره !