يامحـاول كسـر القلـوب المواليـف

ارجو ان

تنال اعجابكم



يامحـاول كسـر القلـوب المواليـف
وزرع الشقا بيـن الوليـف اوليفـه

ماغيـر الواقـع نميمـه وتحـريـف
ولا زعـزع الغربـي جبـال منيفـه

تاصل حبالي لـو فقـدت المجاديـف
ياريـف قلبـي يـاهـواه وخريـفـه

لك منزل بيـن الضلـوع المهاديـف
وقصت غرامن في خفوقـي طريفـه

ماعاد فيني صبر والصبـر ماعيـف
مغرم وذايـب فـي عيونـن عفيفـه

ابدي وعدي فـي طـوال المشاريـف
اللـي علـى غيـر النـداوي كليفـه

واقـول بعـد اللهم رحمـه وتخفيـف
واجر صوتـن مـن حليـف لحليفـه

واطا الخطر ورسي على شاطي السيف
وداوي اجـروح الطعـون العنيـفـه

حب الشرف يثمر مع الوقت تشريـف
ولا الـردى مالـي بسوقـه وضيفـه

نسمت غلاك تلطـف الجـو تلطيـف
برقن سـرا يطـرب فـوادي رفيفـه

عجزت لحصي فيك كـل التواصيـف
يا الماسه اللـي فـي يديـن الخليفـه

مصيونتن عن عاتيـات العواصيـف
في جـوف زهريـه وقطـن وقطيفـه