احطب ضلوعي بصدك واشعل عروقي شموع

اتمنى تعجبكم

احطب ضلوعي بصدك واشعل عروقي شموع

في مهب الريح بعثر حّبنا وانثر ذريره

والعب بقلبي بدينك واجرح القلب الولوع

خذ معه باقيك فيني حتى لو باقي شطيره

ما أبي يبقى بقلبي شي من ماضي الوجوع

خل مصيره عند موته، او حياته لك بخيره

والغيوم الي بكتني ماطر..وكيف الدموع؟!

من عيوني لي مست من زود هجرانه ضريره

بسّك تْسلّى خفوقي عنْه، بسّه مـ الخضوع

كاسيِك ذلي مرار وْما بغت تنفضّ سيره

سيرة اللي مالقى غيره وبالقسوه قنوع

ما لقى؟ الا ما بغى غيره وهجره يستثيره

دامني حي بغيابه بس دونه متّ جوع

ياعذاب اللي على ذلّه وماحدد مصيره

قلب..خذ قول المجّرب واترك الخل المنوع

بدّ ما يأتيه يوم يلملم اوراقه الصغيره

بدّ ما يندم ويصحى بس ما يلقى رجوع

يذرف الدمعه.. خساره.. وكل آماله كسيره

بقلم : الخنساء -- شاعرة الجنوب